إحنا في صفك

هنجهز لوكيشن شبه موقف سيارات عادي، وهنعمل جلسة بودكاست مع أكتر من سواق سيارة، بنسألهم عن معاناتهم اليومية مع الزيت: الأسعار، الغش، صعوبة الاختيار.

كل سواق يحكي تجربته بصوته، وبعدين نقص الكلام لمقاطع صغيرة (ريلز) كل واحدة بتحكي معاناة واحدة بشكل مركز.

نزول ميداني لموقف الأزهر في أسيوط، وتوزيع هدايا مفاجئة على السواقين، مع توثيق اللحظة والفرحة الحقيقية وهما شايفين أوبتيما بتوزعلهم.

نزول ورش شهيرة في أسيوط، وتصوير أصحاب الورش وهما بيحكوا عن مشاكل بيشوفوها كل يوم بسبب الزيت الغلط أو المغشوش.

كل فيديو بيقفل بتوصية الميكانيكي نفسه بأوبتيما، مش أوبتيما اللي بتقول عن نفسها.

متابعة سواق تاكسي أو ميكروباص من الصبح لآخر رحلة، وهو بيحكي إزاي بيدبر مصاريف العربية، وإيه اللي بيخليه يختار زيت عن التاني.

الناتج فيديو طويل نسبيًا (ميني دوكيومنتري)، وبعدين يتقص منه أكتر من ريل قصير.

في نفس لوكيشن الموقف، نفتح عبوة أوبتيما ونوري السواقين القوام واللون، وممكن مقارنة بصرية بسيطة مع زيت مستخدم لفترة طويلة، من غير أرقام أو نسب، بس حاجة تتشاف بالعين.

دعوة على السوشيال ميديا للسواقين يبعتوا فويس أو فيديو قصير بمعاناتهم مع الزيت. فريق أوبتيما يختار واحد أو اتنين ويروحلهم بشكل مفاجئ في شغلهم أو بيتهم، يديله هدية وزيت مجاني، ويوثق الموقف.

سواق عنده عربية قديمة أو موروثة من أبوه لسه شغالة كويس، بيحكي حكايتها وإزاي بيهتم بيها. الفكرة إن الزيت مش بس صيانة، ده جزء من إن العربية تفضل تعيش معاه سنين.